სათაფლიას გამოქვაბულთან შემორჩენილია დინოზავრების ნაფეხურები, რაც მსოფლიოში ძლიერ იშვიათობას წარმოადგენს. მილიონობით წლების წინ აქ ზღვა იყო, რომლის ქვიშაშიც, ატმოსფერული მოვლენების გავლენის მიუხედავად შემოინახა ორასზე მეტი სამთითა ნაფეხური. სათაფლიას გამოქვაბულში საინტერესოა და საკმაოდ ლამაზია სტალაქტიდები და სტალაგმიტები, რომლებიც წარმოიშვებიან მიწისქვეშა წყლების, ნახშირორჟანგის და ტემპერატურის ზემოქმედების შედეგად. ათასობით წლების განმავლობაში კიროვანი წარმონაქმნები და წყლის წვეთები ქმნიან სხვადასხვა ზომისა და ფორმის წანაზარდებს, რომლებიც ზოგჯერ ღებულობენ ზღაპრული პერსონაჟების გამომეტყველობას, რაც საინტერესო და ლამაზ სანახაობას ქმნის.
საიტი: : betravel.ge
ელ-ფოსტა: contact@betravel.ge
მისამართი: საქართველო, თბილისი