სახლ-მუზეუმში ექსპონირებულია ცნობილი მოქანდაკის იაკობ ნიკოლაძის (1876-1951 წწ.) მიერ შესრულებული ქანდაკებები: ბიუსტები, პორტრეტები, ფიგურები. იგი იყო ქართული რეალისტური ქანდაკების ფუძემდებელი და თბილისის სამხატვრო აკადემიის ერთ-ერთი დამაარსებელი და პირველი პროფესორი. სწავლობდა სტროგანოვის სამხატვრო-სამრეწველო სასწავლებელში (1892-1894, მოსკოვი), პარიზის ხელოვნების უმაღლეს სკოლაში. 1906-1907 წლებში მუშაობდა ცნობილი ფრანგი მოქანდაკის ოგიუსტ როდენის სახელოსნოში. მოქანდაკის ნამუშევრების ნაწილი დაცულია საქართველოს ეროვნულ მუზეუმში - შალვა ამირანაშვილის სახელობის ხელოვნების მუზეუმში.
საიტი: : betravel.ge
ელ-ფოსტა: contact@betravel.ge
მისამართი: საქართველო, თბილისი