თბილისის მუზეუმები
ზაქარია ფალიაშვილის სახლ-მუზეუმი
მისამართი:დ. ბაქრაძის ქ. 10
ტელეფონი:299 81 16
ვიზიტის დრო:11.00 - 17.00 (კვირა-სამშაბათის გარდა)
დაარსების თარიღი:1959 წელი
გამოჩენილი კომპოზიტორის, ქართული საოპერო ხელოვნების ფუძემდებლის და ფოლკლორისტის ზაქარია ფალიაშვილის მემორიალური სახლ-მუზეუმი 1962 წელს გაიხსნა. დიდი მაესტროს ცხოვრებისა და შემოქმედების ამსახველი უმდიდრესი მასალა საოცარი სიფაქიზითაა შერჩეული. კომპოზიტორის პირადი და საოჯახო ნივთები, როიალი, "აბესალომ და ეთერისთვის", "დაისისთვის", "ლატავრასთვის" შექმნილი ესკიზები იქცევენ ყურადღებას. აქვეა წარმოდგენილი ამავე ოპერების პარტიტურები, კომპოზიტორის ფრაკი აბესალომისა და ეთერის სასცენო კოსტუმები. თვალს ხვდება ფალიაშვილის მიერ საქართველოს რეგიონებში მოგზაურობისას შეგროვილი ხალხური ინსტრუმენტების უნიკალური კოლექცია და ამავე ინსტრუმენტების ხეში შესრულებული მცირე ზომის ასლები.
მუზეუმში ხშირად იმართება სალონური ტიპის მუსიკის საღამოები. აქ იკრიბებიან ზაქარია ფალიაშვილის სახელობის პრემიის ლაურეატი მუსიკოსები და მუსიკათმცოდნეები, რომელთაც პრემია ოთხ წელიწადში ერთხელ ამავე მუზეუმში საზეიმო ვითარებაში გადაეცემათ.