იმერეთი

"პრომეთეს" მღვიმე (ყუმისთავის მღვიმე)

"პრომეთეს" მღვიმე , იგივე ყუმისთავის მღვიმე მდებარეობს წყალტუბოს რაიონი სოფ. ყუმისთავში. მღვიმე 1984 წლის ივნისში აღმოაჩინეს თბილისის ვახუშტი ბაგრატიონის სახელობის გეოგრაფიის ინსტიტუტის სპელეოლოგიური ექსპედიციის წევრებმა. მათ 90 სმ-ის ხვრელით შეაღწიეს მღვიმეში და იმავე დღეს 7 ულამაზესი დარბაზი აღმოაჩინეს. მღვიმე მდებარეობს ზღვის დონიდან 100 მეტრ სიმაღლეზე. მღვიმეში გამოედინება წყარო, რომელიც 8 მეტრის გავლის შემდეგ იქვე ტბას წარმოქმნის. დღესდღეობით მღვიმეში აღმოჩენილია 17 დარბაზი. მღვიმეში არსებული ბილიკის სიგრძეა 1050 მეტრი, რომელიც ულამაზესი ტბით მთავრდება. გამოკვლევებით დადგენილია, რომ მღვიმის ჯამური სიგრძე 20000 მეტრია. მღვიმეში უხვად არის სტალაქტიდებისა და სტალაგმიტების ულამაზესი ნაღვენთი ფორმები, "გაქვავებული ჩანჩქერები", "ჩამოკიდებული ქვის ფარდები".

შეზღუდვები: არ დაიშვება 5 წლამდე ასაკის ბავშვები.